جشن مولود کعبہ کی پُرمسرت مناسبت سے روضہ مبارک حضرت عباس(ع) کی الکفیل پلانٹ نرسری نے پورے روضہ مبارک اور اس کے گرد ونواح کو قدرتی پھولوں سے سجا رکھا ہے ہر طرف خوبصورت پھول زائرین کا استقبال کر رہے ہیں خاص طور پر باب قبلہ کے سامنے مختلف رنگوں کے پھولوں سے بنا خطاطی کا دیدہ زیب فنپارہ آنے والوں کی نظروں کا مرکز بنا ہوا ہے کہ جس پر انتہائی دلکش خط میں (علي وليد الكعبة) مکتوب ہے۔
روضہ مبارک حضرت عباس(ع) کے خدام کے متبرک ہاتھوں اور قدرتی پھولوں کی روشنائی سے بنے اس شہکار کی لمبائی چار میٹر اور چوڑائی دو میٹر ہے۔
اس دیدہ زیب فن پارے کی زیر نظر تصاویر کو دیکھ کر آپ بھی اس کے بنانے والے کے اخلاص اور اس کی صلاحیت کو داد دیے بغیر نہیں رہ سکتے۔