تصویری رپورٹ: روضہ مبارک حضرت عباس(ع) کے صحن میں سنگ مرمر کے نئے فرش کا کام شروع کر دیا گیا ہے......

روضہ مبارک حضرت عباس علیہ السلام کے انجینرنگ پروجیکٹس سیکشن کے انچارج مجید صائغ نے بتایا ہے کہ روضہ مبارک حضرت عباس علیہ السلام کے صحن کو اونچا کرنے اور ایوانوں کے برابر لانے کا کام تیزی سے جاری ہے اور اس سلسلہ میں باب امام علی ھادی علیہ السلام اور باب فرات کے درمیانی حصہ پر سنگ مرمر کی تنصیب کا کام آج سے شروع کر دیا گیا ہے اور سنگ مرمر کی تنصیب سے پہلے پرانی سنگ مرمر اور اس کے نیچے قدیم کنکریٹ کو ہٹایا گیا اور وہاں مختلف تعمیراتی مواد کا استعمال کر کے زمین کو کنکریٹڈ فرش کے لیے تیار کیا گیا۔ جس کے لوہے کا جال بچھا کر وہاں کنکریٹڈ فرش تعمیر کیا گیا اور آج اس کنکریٹڈ فرش کے اوپر سنگ مرمر کی ٹائلز کی تنصیب کا کام شروع کر دیا گیا۔

چار سنٹی میٹر موٹے قدرتی سنگ مرمر کو بیرون ملک سے لایا گیا ہے اور اس کے دیدہ زیب رنگوں کا انتخاب روضہ مبارک کی عمارت اور ڈیزائن کی مناسبت سے کیا گیا ہے۔

واضح رہے پرانے سنگ مرمر کو نصف صدی سے زیادہ عرصہ گزر چکا تھا اور صدامی و بعثی حکومت کے دوران عدم توجہی بلکہ جان بوجھ کر ضرر پہنچانے کے نتیجہ میں فرش اور سنگ مرمر بہت سی جگہ سے خراب ہو چکا تھا جس کی تبدیلی کی اشد ضرورت تھی لہٰذا روضہ مبارک کی تعمیر و توسیع کے منصوبہ میں نئی فرش کی تعمیر اور اسے ایوانوں کی سطح کے برابر کرنے کے منصوبے کو بھی شامل کیا گیا۔
قارئین کے تبصرے
کوئی تبصرہ نہیں ہے
اپنی رائے دیں
نام:
ملک:
ای میل:
تبصرہ: