رمضان المبارک کے ایمان افروز مہینے اور روضہ مبارک حضرت عباس علیہ السلام کی روحانی اور ایمانی فضاؤں میں آٹھویں روز بھی محفل ختم القران کا سلسلہ جاری ہے

رمضان المبارک کے ایمان افروز مہینے اور روضہ مبارک حضرت عباس علیہ السلام کی روحانی اور ایمانی فضاؤں میں آٹھویں روز بھی محفل ختم القران کا سلسلہ جاری ہے. یہ بابرکت محفل ہر روز شام پانچ بجے سے لیکر شام 6 بجے تک روضہ مبارک حضرت عباس علیہ السلام کے صحن میں منعقد ہوتی ہے اور اس میں مومنین اور زائرین کی بڑی تعداد شرکت کرتی ہے۔

روضہ مبارک حضرت عباس علیہ السلام کے قرآن مرکز کے انچارج شیخ جواد نصراوی نے الکفیل نیٹ ورک سے گفتگوکرتے ہوئے کہا کہ رسول خدا صلی اللہ علیہ وآلہ وسلم کا فرمان ہے کہ جو شخص رمضان کے مہینہ میں قرآن مجید کی ایک آیہ مبارکہ کی تلاوت کرتا ہے اسے اتنا ثواب ملتا ہے کہ جتنا کسی دوسرے مہینے میں پورے قرآن مجید کے پڑھنے کا ہوتا ہے۔ نبی کریم صلی اللہ علیہ وآلہ وسلم کے اسی فرمان کو مدنظر رکھتے ہوئے قرآن مرکز نے روضہ مبارک حضرت عباس اور بہت سی دیگر جگہوں پر ختم قرآن کی محافل کا انعقاد کیا ہے اور خاص طور پر روضہ مبارک حضرت عباس اس محفل قرآن کے لئے خصوصی انتظامات کئے گئے ہیں۔