العربية
English
فارسى
Türkçe
Français
Deutsch
Kiswahili
Español
واضح رہے کہ دس محرم الحرام کو رکضۃ طویریج کے جلوس عزاء کے دوران بھگدڑ مچ جانے کی وجہ سے کئی عزادار زخمی ہوگئے تھے جنہیں علاج کے لیے روضہ مبارک حضرت عباس علیہ السلام کے الکفیل ہسپتال منتقل کیا گیا تھا۔
وفد میں روضہ مبارک حضرت امام حسین علیہ السلام کے سینئر آفیشل الشيخ عبد المهدي الكربلائيّ(دام عزّه)، نامور مذہبی اسکالرز اور روضہ مبارک حضرت عباس علیہ السلام کے سید خدام شامل تھے۔ وفد نے ہسپتال میں موجود تمام زخمیوں کی عیادت کی اور انہیں دیے جانے والے علاج اور طبی سہولیات کا بھی جائزہ لیا۔
واضح رہے کہ روضہ مبارک حضرت عباس علیہ السلام نے اس بدقسمت حادثے میں زخمی ہونے والے عزاداروں کے مکمل علاج اور انہیں ہر طرح کی طبی سہولیات فراہم کرنے کا اعلان کیا ہے۔
یہاں یہ بات بھی قابل ذکر ہے کہ کربلاء کے دونوں مقدس روضوں کے جنرل سیکریٹریٹ کی جانب سے رکضۃ طویریج کے شہداء کے ایصال ثواب کے لئے 14 محرم الحرام کو بین الحرمین دن تین بجے سے لے کرشام 6 بجے تک فاتحہ خوانی اور مجلس تحریم کے انعقاد کا اعلان بھی کیا گیا ہے۔
