22ممالک سے تعلق رکھنے والے 225غیر ملکی مواکب اس سال کربلا میں زیارت اربعین کے احیاء میں شریک ہیں

امام حسین(ع) اور حضرت عباس(ع) کے روضہ مبارک کے شعائر اور حسینی انجمنوں کے سیکشن کے انچارج ریاض نعمہ سلمان نے بتایا ہے کہ اس مرتبہ کربلا میں اربعین امام حسین(ع) کے احیاء کے لیے عراقی مواکب کے علاوہ غیر ملکی مواکب کی بڑی تعداد بھی آئی ہے کہ جنہوں نے عزاداری کے جلوسوں میں شرکت کی اور خدماتی امور کو بڑھ چڑھ کر سرانجام دیا۔

اس مرتبہ 22ممالک سے تعلق رکھنے والے 225غیر ملکی مواکب نے کربلا میں زیارت اربعین کے احیاء میں شریک ہیں اور اہل بیت اطہار کو سانحہ کربلا کا پرسہ پیش کر رہے ہیں۔ كويت – سوريا – عُمان – سعودية – لبنان – بحرين – إيران – امريكہ – برطانيہ – پاكستان – سويڈن – جرمنی - ڈنمارك – روس – هندوستان – افغانستان – آذربيجان - تركی – امارات – تنزانيا اور ناروے سے آئے ہوئے مواکب نے نہایت عقیدت و احترام سے کربلا میں اربعین امام حسین کے ماتمی جلاسوں میں شرکت کی اور اربعین امام حسین(ع) کی زیارت کے ذریعے اپنے حسینی ہونے کا اعلان کر رہے ہیں۔

واضح رہے غیر ملکی مواکب کی مذکورہ بالا تعداد میں صرف وہ مواکب شامل ہیں جو شعائر اور حسینی انجمنوں کے سیکشن میں رجسٹرڈ ہیں جبکہ اربعین میں شرکت کرنے والے غیر رجسٹرڈ شدہ مواکب کی تعداد بھی سینکڑوں میں ہے۔

اس کے علاوہ غیر ملکی مواکب کی ایک بڑی تعداد نے کربلا آنے والے راستوں میں بھی زائرین کی خدمت میں بھرپور کردار ادا کیا۔