العربية
English
فارسى
Türkçe
Français
Deutsch
Kiswahili
Español
اس ملاقات کے دوران علامہ سید احمد صافی نے کہا کہ روضہ مبارک حضرت عباس علیہ السلام اپنے ان قومی ہیروز کے ساتھ ہے اور ان کی معاشی اور سماجی خدمت اور ضروریات کو پورا کرنے کے لیے ہر ممکن تعاون فراہم کرنے کے لئے تیار ہے،
اس موقع پر سید احمد صافی نے اسوسی ایشن کے وفدسے اپیل کی کہ وہ داعش کے خلاف لڑی جانے والی جنگ میں اپنے کاموں اور بہادری کو تحریر کرتے ہوئے انہیں دستاویزی شکل دیں تاکہ روضہ مبارک حضرت عباس علیہ السلام کی جانب سے شائع کئے جانے والے ا نسائیکلوپیڈیا میں بہادری کے ان لازوال واقعات کو شامل کیا جاسکے۔
اس موقع پر ایسوسی ایشن کے سربراہ پروفیسر مقدام رحيم نے کہا : ہم بہت خوش ہیں کہ آج ہمیں روضہ مبارک حضرت امام حسین علیہ السلام اور روضہ مبارک حضرت عباس علیہ السلام کی زیارت کا شرف حاصل ہوا اور روضہ مبارک حضرت عباس علیہ السلام کے متولی شرعی نے بھی ہمیں شرف ملاقات بخشا۔
انھوں نے کہا: آج ہمارے یہاں آنے کا مقصد ان مسائل اور پریشانیوں کے بارے میں بات کرنا ہے جن کا عمومی طور پر زخمیوں اور ان کے اہل خانہ کو سامنا کرنا پڑ رہا ہے۔
انہوں نے مزید کہا کہ اس کے علاوہ یہاں آنے کا مقصد اپنی ایسوسی ایشن کے اغراض و مقاصد کے بارے میں بات کرنا اور اس ایسوسی ایشن جس میں فوج، پولیس، پاپولرموبلائزیشن اورعراق کے مختلف علاقوں کے ہزاروں زخمی افراد شامل ہیں، کی خدمات کا ذکر کرنا ہے۔
